തകർന്നടിഞ്ഞ് മുണ്ടക്കൈ; ദുരന്തഭൂമിയായി വയനാട്

കല്‍പ്പറ്റ: വയനാട്ടിലെ മേപ്പാടി മുണ്ടക്കൈയിലും ചുരല്‍മലയിലും ഉണ്ടായ വന്‍ ഉരുള്‍പൊട്ടലില്‍ 19 പേര്‍ മരിച്ചു.മരണസംഖ്യ ഇനിയും ഉയർന്നേക്കാം. നിരവധി പേരെ കാണാതായി, പലരും ചെളിയിൽ കുടുങ്ങിക്കിടക്കുന്നതായി റിപ്പോർട്ട്‌. മുണ്ടക്കൈ, അട്ടമല, ചൂരല്‍മല എന്നിവിടങ്ങളിലാണ് ദുരന്തമുണ്ടായത്. ചൂരൽമലയിൽ നിന്നും 11 മൃതദേഹങ്ങൾ കണ്ടെടുത്തു.

🚨 #NDRF 04Bn @Arakkonam On-Ground at Wayanad Landslide Site. Live Rescue Ops Underway. 24*07 Control Room Actively Monitoring the Situation.NDRF Higher Officers Moving to the Spot. More Teams en route. Stay safe, everyone. #RescueOps #WayanadLandslide #NDRF @NDRFHQ pic.twitter.com/sH8FwoSyPm

— 04 Bn NDRF ARAKKONAM🇮🇳 (@04NDRF) July 30, 2024

ഉരുള്‍പൊട്ടലില്‍ നിരവധി പേര്‍ക്ക് പരിക്കേറ്റിട്ടുണ്ട്. മേപ്പാടിയിലെ സ്വകാര്യ ആശുപത്രിയില്‍ 33 പേര്‍ ചികിത്സ തേടിയിട്ടുണ്ട്. കൂനിപ്പാലയില്‍ നിന്നും മൂന്നു വയസ്സുള്ള കുട്ടിയുടെ മൃതദേഹം കണ്ടെടുത്തു. ചാലിയാര്‍ പുഴയില്‍ മൂന്ന് മൃതദേഹങ്ങളും കരയ്ക്കടിഞ്ഞു. പാലം തകര്‍ന്നതോടെ മുണ്ടക്കൈയും ചൂരല്‍മലയും ഒറ്റപ്പെട്ടു.

പുലര്‍ച്ചെ ഒന്നരയ്ക്കും നാല് മണിക്കുമായി മുണ്ടക്കൈ, ചൂരല്‍മല പ്രദേശങ്ങളില്‍ മൂന്ന് തവണയാണ് ഉരുള്‍പൊട്ടിയത്.