ആഴ്ചയിൽ നാല് ദിവസം ജോലി; പുതുക്കിയ തൊഴിൽ നിയമങ്ങൾ ഉടൻ
നാല് ദിവസത്തെ പ്രവൃത്തി ദിവസങ്ങൾക്ക് ശേഷം ജീവനക്കാർക്ക് തുടർച്ചയായി മൂന്ന് ദിവസത്തെ അവധി നൽകുന്നില്ലെങ്കിൽ, ഇത് തൊഴിൽ നിയമങ്ങൾക്ക് വിരുദ്ധമാണെന്നും തൊഴിലുടമയ്ക്കെതിരെ നടപടി എടുക്കാനാകുമെന്നും അപൂർവ ചന്ദ്ര പറഞ്ഞു. അഞ്ച് ദിവസം വ്യവസ്ഥ തിരഞ്ഞെടുക്കുന്നവർക്ക് അടുത്ത ആഴ്ചയിലേക്ക് കടക്കുന്നതിന് മുമ്പ് രണ്ട് ദിവസത്തെ അവധി നൽകേണ്ടി വരും. അതേ സമയം അന്തിമ തൊഴിൽ കോഡിൽ മാറ്റങ്ങളുണ്ടാകാമെന്നും അദ്ദേഹം കൂട്ടിച്ചേർത്തു. കഴിഞ്ഞ സെപ്തംബറിലാണ് പാർലമെന്റ് പുതുക്കിയ നാല് ലേബർ കോഡുകൾ പാസാക്കിയത്.
നിയമങ്ങളുടെ ആദ്യ കരട് ഡിസംബറിൽ മന്ത്രാലയം പുറത്തിറക്കുകയും ജനുവരിയിൽ അഭിപ്രായങ്ങൾ സ്വീകരിക്കുകയും ചെയ്തിരുന്നു. നിയമങ്ങളുടെ അന്തിമ രൂപം തയ്യാറാക്കുകയാണെന്നും ഇതുസംബന്ധിച്ച് സംസ്ഥാനങ്ങളുമായി ആശയവിനിമയം നടത്തിയിട്ടുണ്ടെന്നും അപൂർവ ചന്ദ്ര പറഞ്ഞു. ഉത്തർപ്രദേശ്, പഞ്ചാബ്, മധ്യപ്രദേശ് തുടങ്ങിയ സംസ്ഥാനങ്ങൾ ഫെബ്രുവരി പത്തിനകം നിയമങ്ങളുടെ കരട് പുറത്തിറക്കും.
No comments