സംസ്ഥാനത്ത് പക്ഷിപ്പനി സ്ഥിരീകരിച്ചു; ജാഗ്രതാ നിർദേശം

തിരുവനന്തപുരം: സംസ്ഥാനത്ത് രണ്ട് ജില്ലകളിൽ പക്ഷിപ്പനി സ്ഥിരീകരിച്ചു. ആലപ്പുഴ കുട്ടനാടൻ മേഖലയിലും കോട്ടയത്ത് നീണ്ടൂരുമാണ് എച്ച്5എൻ8 വൈറസ് സ്ഥിരീകരിച്ചത്. 

കഴിഞ്ഞ ദിവസം ആലപ്പുഴയിൽ കൂട്ടത്തോടെ താറാവുകൾ ചത്തതിനെ തുടർന്ന് ഭോപ്പാൽ ലാബിലേക്ക് സാമ്പിളുകൾ അയച്ചിരുന്നു. പരിശോധനയിൽ അഞ്ച് എണ്ണത്തിൽ രോഗം സ്ഥിരീകരിച്ചു.വൈറസ്​ പടരുന്നത്​ തടയാനും സ്​ഥിതിഗതികൾ നിയന്ത്രണ വിധേയമാക്കാനും നടപടിയെടുത്തുവെന്ന് മന്ത്രി കെകെ രാജു പറഞ്ഞു. കൺട്രോൾ റൂം പ്രവർത്തനം ഉടൻ തുടങ്ങും. പക്ഷിപ്പനി നിയന്ത്രണത്തിന്​ അടിയന്തര നടപടി തുടങ്ങിയിട്ടുണ്ടെന്നും മന്ത്രി അറിയിച്ചു.