ഭർത്താവിന് പിന്നാലെ ഭാര്യയും മരിച്ചു; ജപ്തിയ്ക്കിടെ ആത്മഹത്യയ്ക്ക് ശ്രമിച്ച വീട്ടമ്മ മരിച്ചു
തിരുവനന്തപുരം: നെയ്യാറ്റിന്‍കരയിലെ ആത്മഹത്യ ശ്രമത്തിനിടയില്‍ പൊള്ളലേറ്റ് ചികിത്സയില്‍ കഴിയുകയായിരുന്ന അമ്പിളിയും മരിച്ചു. ഭര്‍ത്താവ് രാജന്‍ ഇന്ന് വെളുപ്പിന് മരിച്ചിരുന്നു.
കഴിഞ്ഞ ചൊവ്വാഴ്ചയാണ് രാജനും ഭാര്യയും സ്വയം തീകൊളുത്തിയത്. കോടതിയുത്തരവ് പ്രകാരം തര്‍ക്കഭൂമി ഒഴിപ്പിക്കാനെത്തിയവര്‍ക്ക് മുന്നില്‍ വച്ച് ഇരുവരും തീകൊളുത്തി ആത്മഹത്യക്ക് ശ്രമി്ക്കുകയായിരുന്നു. ശരീരത്തില്‍ 75 ശതമാനവും പൊള്ളലേറ്റ രാജന്റെ ഇരുവൃക്കകളും തകരാറിലായിരുന്നു.
രാജന്‍ അയല്‍വാസിയായ വസന്തയുടെ വസ്തു കയ്യേറി കുടില്‍കെട്ടിയെന്ന് നേരത്തെ പരാതി ഉയര്‍ന്നിരുന്നു. ഇതില്‍ കോടതി അഭിഭാഷക കമ്മീഷനെ നിയമിക്കുകയായിരുന്നു. കമ്മീഷനുമായി വീട് ഒഴിപ്പിക്കാനെത്തിയപ്പോഴായിരുന്നു സംഭവം. രാജന്‍ ഭാര്യ അമ്പിളിയെ ചേര്‍ത്ത് പിടിച്ച് ദേഹത്തേക്ക് പെട്രോള്‍ ഒഴിക്കുകയായിരുന്നു.
No comments