ദുരൂഹ സാഹചര്യത്തില്‍ മരിച്ച നവവധുവിന്റെ ഭര്‍തൃമാതാവ് ആത്മഹത്യ ചെയ്ത നിലയിൽ

തിരുവനന്തപുരം: കല്ലമ്പലത്ത് ദുരൂഹ സാഹചര്യത്തില്‍ മരിച്ച നവവധുവിന്റെ ഭര്‍തൃമാതാവിനെ മരിച്ച നിലയില്‍ കണ്ടെത്തി. സുനിത ഭവനില്‍ ശ്യാമളയാണ് മരിച്ചത്. വീടിന് സമീപത്തെ മരത്തില്‍ തൂങ്ങിമരിച്ച നിലയിലായിരുന്നു മൃതദേഹം കണ്ടെത്തിയത്.

രണ്ടാഴ്ചകൾക്ക് മുമ്പാണ് ശ്യാമളയുടെ മരുമകൾ ആതിരയെ വീട്ടിലെ ശുചിമുറിയില്‍ കഴുത്തറുത്ത് മരിച്ചനിലയില്‍ കണ്ടെത്തിയത്. തുടര്‍ന്ന് മരണത്തില്‍ ദുരൂഹതയുണ്ടെന്നും കൊലപാതകമാണെന്നും ആരോപിച്ച് ആതിരയുടെ ബന്ധുക്കള്‍ രംഗത്തെത്തിയിരുന്നു.