തിരുവനന്തപുരം: സംസ്ഥാനത്തെ കോവിഡ് പരിശോധനാ മാനദണ്ഡം പുതുക്കി. ജലദോഷം, പനി എന്നിവ ഉള്ളവരെ ചികിത്സ തേടുന്ന ദിവസം തന്നെ ആന്റിജന്‍ പരിശോധനയ്ക്ക് വിധേയമാക്കണം. ഫലം നെഗറ്റീവ് ആണെങ്കില്‍ പിസിആര്‍ പരിശോധന നടത്തണം. 60 വയസിന് മുകളിലുള്ളവര്‍ക്കും ഗര്‍ഭിണികള്‍ക്കും കുട്ടികള്‍ക്കും പിസിആര്‍ പരിശോധന നടത്തണമെന്നും പുതുക്കിയ മാനദണ്ഡത്തില്‍ പറയുന്നു
കടുത്ത ശ്വാസകോശ പ്രശ്‌നങ്ങൾ ഉള്ളവർക്കും ആൻ്റിജൻ പരിശോധന നിർബന്ധമാക്കി. ഇവർക്കും ഫലം നെഗറ്റീവായാൽ പിസിആർ പരിശോധന വേണം. കണ്ടെയ്ൻമെൻ്റ് മേഖലയിൽ നിന്ന് വരുന്നവർക്ക് രോഗലക്ഷണങ്ങൾ ഇല്ലെങ്കിലും ആൻ്റിജൻ പരിശോധന നടത്തണം. ദേശീയ അന്തർദേശീയ യാത്രകൾ നടത്തിയവർ 14 ദിവസത്തിനുള്ളിൽ ലക്ഷണങ്ങൾ കണ്ടാൽ അന്നു തന്നെ ആൻ്റിജൻ പരിശോധന നടത്തണം.
No comments