കാസർഗോഡ് ബസ്സപകടം; മരണം ആറായി, നിരവധി പേരുടെ നില ഗുരുതരം

 

കാസർകോട്: പാണത്തൂർ പരിയാരത്ത്  ടൂറിസ്റ്റ് ബസ് വീടിനു മുകളിലേക്ക് മറിഞ്ഞ് ആറ് പേർ മരിച്ചു. നിരവധി പേർക്ക് പരുക്കേറ്റു. രണ്ട് കുട്ടികളുൾപ്പെടെ നിരവധി പേരുടെ നില അതീവഗുരുതരമാണ്. ബസ്സിൽ  അറുപതോളം പേരുണ്ടായിരുന്നെന്നാണ് റിപ്പോർട്ട്‌.

അഞ്ച് മൃതദേഹങ്ങൾ പൂടംകല്ല് താലൂക്ക് ആശുപത്രിയിലും ഒരു മൃതദേഹം കാഞ്ഞങ്ങാട് ജില്ലാ ആശുപത്രിയിലുമാണ് ഉള്ളത്. കർണ്ണാടക സ്വദേശികളാണ് അപകടത്തിൽ പെട്ടത്. മരിച്ചവരിൽ കുട്ടികളുമുണ്ട്. 

പരിക്കേറ്റവരെ കാഞ്ഞങ്ങാട്ടെ വിവിധ ആശുപത്രികളിലേക്ക് മാറ്റി. കർണാടകത്തിലെ ഈശ്വരമംഗലത്ത് നിന്നും അതിർത്തി ഗ്രാമമായ കരിക്ക ചെത്തുകയം എന്ന സ്ഥലത്തേക്ക് വന്ന വധുവിന്റെ വീട്ടുകാർ സഞ്ചരിച്ച ബസ് ആണ് അപകടത്തിൽപ്പെട്ടത്.

Also Read....വിവാഹസംഘത്തിന്റെ ബസ് വീടിനുമുകളിലേക്ക് മറിഞ്ഞു; നിരവധി പേർക്ക് പരിക്ക്

രാവിലെ 11.45 ഓടെയാണ് സംഭവം. ഇറക്കത്തിൽവെച്ച് നിയന്ത്രണം വിട്ട ബസ് സമീപത്തെ വീടിനു മുകളിലേക്ക്‌ മറിയുകയായിരുന്നു. ബസ് അമിതവേഗതയിലായിരുന്നുവെന്നാണ് ദൃക്സാക്ഷികൾ പറയുന്നത്.